21 de utober 2018 - Dala 7:00 ala 21:00

Info sun la veles

Facsimile dla zedula litela

Nfurmazions genereles

Ai 21 d’utober vën l Cunsëi provinziel dla Provinzia autonoma de Bulsan-Südtirol lità da nuef.

L unirà lità trëntcinch cunselieres provinziei che arà automaticamënter nce la ncëria de cunselieres regiuneles/cunselieres regiunei. La Presidënta/L Presidënt ne vën nia liteda/lità diretamënter dala populazion, ma dal Cunsëi provinziel danter si cumëmbri, cun lita cun cherdeda dl inuem y a maiuranza assoluta, y sun la basa de na detlarazion de guviern, te chëla che l vën nce dat sëura l numer di cumëmbri dla Jonta provinziela.

Cun la lege provinziela di 19 de setëmber 2017, n. 14 iel unì metù su na lege litela organica, che tol ite la leges tecniches unides ora da iede a iede tl tëmp dla legislatures da dant.

Te deguna lista ne daussa n gënder vester prejënt cun plu che 2/3 dla candidates/di candidac.

Sun na lista ne daussel nia se candidé manco che 12 y plu che 35 persones.

Nce pra chësta veles iel puscibl per la zitadines y i zitadins che viv oradecà y per chëles/chëi che ne ie te chël tëmp nia tl Südtirol y che fej na dumanda aldò, lité per curespundënza.

La legislazion provinziela à oradechël cunfermà y n pert reelaburà na lingia de normes che reverda dantaldut la fasa do la cumpededa dla ujes y dantaldut l’atività dl Cunsëi provinziel.

La cumposizion dla Jonta provinziela curespuenderà al raport di gëndri tl Cunsëi provinziel tl mumënt de si costituzion, do la cunedida dla persones litedes.

La Jonta provinziela sarà furmeda da na cumpëida de al manco 7 y al plu 10 persones, ora che la Presidënta/ l Presidënt. Per la ncëria de Presidënta/Presidënt o assessëura/assessëur iel unì fissà n lim de tëmp de 15 ani o 3 legislatures ndolauter, a chël che l messerà te uni cajo jì do na paussa de almanco 4 ani.

Per lité la Presidënta/l Presidënt dla Provinzia messerà i partic o la grupes politiches singules a uni moda prejenté tl Cunsëi, ora che la candidata o l candidat cris ora, na detlarazion de guviern.

L ie oradechël nce udù danora la desfidanza costrutiva, che adum cun la mozion de desfidanza vëij danora la puscibltà per l Cunsëi provinziel de lité na candidata/n candidat auternatif ala Presidënta/al Presidënt tla ncëria, y de apurvé n program auternatif de guviern.

L tët per la spëises per la propaganda litela per uni candidata/candidat; ie de al plu 30.000 euro.

Sistem litel

L Cunsëi provinziel ie lità cun sistem proporziunel y tres vela generela, direta y sucrëta.

Asseniazion dla sëntes

Per l’asseniazion dl numer de cunselieres a uni lista vëniel fat la divijion dl numer total dla ujes arjontes da duta la listes tres l numer dla/di cunselieres cun la njonta de doi a na maniera da giapé l cuozient litel. A fé la divijion vën la pertes de frazion che se purtëssa n cajo pro turondedes ala unità dessëura. L vën pona assenià a uni lista tan de sëntes coche l resultea che l cuozient litel ie cuntenì tla zifra litela (chësc uel dì la soma dla ujes valeivles) de uni lista.

Sce, cun l cuozient litel calculà, coche nunzià dessëura, l numer ntier dla sëntes asseniedes ala listes defrëntes superea l numer dla/di cunselieres provinziei udù danora, vëniel fat na partizion nueva cun n cuozient litel nuef che vën calculà smendran l divijëur de una na unità.

Sce l ëssa, do la prima partizion, mo da resté sëntes nia asseniedes, chir l Ufize litel zentrel ora danter la zifres dla ujes restëntes de duta la listes, chëles plu autes, tl medemo numer dla sëntes restëntes da assenië, y l ti atribuesc mo na sënta a uni una dla listes de chëles che ie chëla zifres d’ujes restëntes. Tl cajo de n medemo numer de ujes restëntes vën la sënta assenieda ala lista che à giapà l numer de ujes plu aut; sce nce chësc ie medemo vëniel tëut na dezijion trajan ala busca. Pra chësta partizion dla ujes vëniel nce tenì cont dla listes che ne à nia arjont l cuozient litel plën.

Cuota ladina tl cunsëi provinziel

L Ufize litel zentrel:

  • se cruzia de mëter su na graduatoria decrescënta n cont dla ujes de preferënza de duta la candidates y de duc i candidadac che fej pert dla grupa de rujeneda ladina, unfat pra ciuna lista che les/i ie; tl cajo dl medemo numer de ujes persuneles vëniel metù dant la candidata/l candidat plu jëuna/jëun.

Ala candidata/Al candidat dla grupa linguistica ladina che à giapà l plu ujes persuneles, ma che ne resultea nia lità, ti vëniel te uni cajo assenià na sënta. Chësta candidata/Chësc candidat giapa la sënta dla candidata/dl candidat che, adlò dl orden dla ujes de preferënza, ie al ultim post dla persones litedes sun la lista de purtenienza.

Tl cajo che l ne ti vën atribuì a deguna lista cun na candidata/n candidat dla grupa linguistica ladina na sënta, vëniel assenià na sënta ala candidata/al candidat de chësta grupa linguistica che à giapà l numer plu aut de ujes persuneles.

Chësta sënta vën ndividueda, n derogazion ala zifres liteles de lista, a chësta maniera y tëuta ala lista curespundënta:

  1. tl cajo che duta la sëntes fossa unides asseniedes pra la prima asseniazion ala lista cun la mëndra zifra litela de lista; o
  2. tl cajo che l fossa unì fat na segonda asseniazion dla sëntes sun la basa dla zifra dla ujes restëntes plu bassa.

Ala veles vëniel lascià pro la zitadines y i zitadins che ai 21 d’utober 2018 à cumplì 18 ani, che ie scric ite tla listes liteles, che n l di dla publicazion dl avis de convocaziun dla veles à da cater ani zënza nteruzion la residënza tla region Trentin-Südtirol y che à madurà la majera pert de chisc cater ani de residënza tl teritore dla provinzia de Bulsan.

N l di dla veles (21 d’utober 2018) resta la sëntes liteles daviertes dala 7.00 ala 21.00. I lëures de preparazion dla sënta vën fac l di dant domesdì (n sada, ai 20 d’utober).

La zitadines y i zitadins à da se presenté tla sezion litela ndicheda tla cherta litela n l dì dla veles cun la cherta litela nunzieda y cun n documënt de recunescimënt.

Chi che ne à deguna cherta litela, ajache les/i ne n à mei giapà una o tl cajo che la ie unida ruineda, perduda o rubeda, muesseles/muessi damandé do pra l ufize litel de chemun, che resterà daviert dai 19 d’utober ai 20 d’utober dala 9.00 ala 18.00 y ai 21 d’utober per dut l tëmp che n possa lité. Iló giaperales/giaperai pona, aldò dl cajo, na cherta litela nueva, n duplicat o n atestat de sostituzion.

Lita da pert dla reprejentantes/di reprejentanc dl militer

La reprejentantes/I reprejentanc dla forzes armedes y de grupes militeres a servisc dl stat, sciche nce chi che fej pert dla polizai de stat, possa jì a lité, sce les/i nen à l dërt, te chël Chemun ulache les/i ie per rejons de servisc.

Mustran su la cherta litela possi dé ju si usc te ce sezion che i uel y i possa nce ti jì dant al’autra/ai autri litadëures.

Les/I daussa mé jì un al iede a dé ju si usc y zënza erma.

Lita da pert dla persones staziunedes tla cëses de cura

La persones staziunedes te spediei y cëses de cura y che à l dërt de lité possa lité tl spedel o tla cësa de cura.

La persones nteressedes muessa presenté – tres la strutura ulache les ie staziunedes – ala Ambolta/al Ambolt dl Chemun, tla listes de chël che les ie scrites ite, si ulentà de lité tla cësa de cura.

Tla detlarazion muessel unì dat sëura avisa l numer dla sezion litela a chëla che la litadëura/l litadëur ie assenieda/assenià y l numer de iscrizion tla lista litela, che ie da udëi sun la cherta litela; oradechël muessel nce vester njuntà l atestat dla diretëura sanitera/dl diretëur saniter dla cësa de cura, che cunfermea che la litadëura/l litadëur ie staziuneda/staziunà iló.

La detlarazion muessa unì mandeda al Chemun da pert dl diretëur dl’aministrazion o dl secreter dla cësa de cura, nia plu tert che l terzo dì dan la data dla veles (ai 18 d’utober).

Pernanche l’Ambolta/l Ambolt à giapà la detlarazion se cruziela/cruziel riesc de ti fé avëi a chi che à fat dumanda n atestat che l ie unit fat la iscrizion tla listes dla/di litadëures tla cëses de cura. La/I litadëures staziunei ne possa nia lité tla cësa de cura sce no do avëi mustrà danora chësc atestat y la cherta litela.

Lita da pert dla persones che ne ie nia bones de jì

Diverda che la/i litadëures che ne n’ie nia bones/boni de jì sibe scric ite pra na sezion a chëla che l ne ie nia mesun ruvé permez cun n stuel da rodes possi dé ju si usc te n’autra sezion zënza mpedimënc architetonics. (Tlo dessot iel na lista de duta la sezions zënza mpedimënc architetonics). Tl local cris ora per dé ju la stima muessa chësta/chisc litadëures mustré su deberieda cun la cherta litela l zertificat dl dutor dl’azienda sanitera (l vën nce azetà n zertificat scrit ora dant per vel’autra rejon) o na copia autenticheda dla patent speziela per avisé, a na moda che l vënie ora tler dala documentazion mustreda su che chësta persona ne sibe veramënter nia bona de jì o da stramb stenteda.

A uni moda à i chemuns da mëter a jì n servisc de trasport adatà, acioche l sibe plu saurì per la/i litadëures che ne ie nia bones/boni de jì de ruvé pra l local de vela.

Lita da pert dla persones śaredes te perjon

Chi che ie te perjon y che l ne ti ie nia unì tëut l dërt de lité possa dé ju si usc tl luech ulache les/i ie śaredes/śarei via.

La persones nteressedes muessa presenté per scrit na detlarazion che les uel lité ulache les/i ie śaredes/śarei via y ti fé avëi chësta detlarazion ala Ambolta/al Ambolt dl Chemun ulache les/i ie scric ite tla listes litela.

Tla detlarazion muessel unì dat sëura avisa l numer dla sezion te chëla che la litadëura/l litadëur ëssa da jì a lité y l numer de iscrizion tla lista litela de sezion, che ie da udëi sun la cherta litela; oradechël muessel nce vester njuntà l atestat dla diretëura/dl diretëur dla perjon che cunfermea che la litadëura/l litadëur ie śareda/śarà ite iló. La detlarazion ti muessa unì fata avëi al Chemun da pert dl diretëur dla perjon, nia plu tert che l terzo di dan chël dla veles (ai 18 d’utober).

Pernanche l’ambolta/l ambolt giapa la detlarazion se cruziela/cruziel riesc de ti fé avëi a chi che à fat dumanda n atestat che la/l ie unit scrit ite tla listes dla/di litadëures śaredes/śarei via.

Chësta/Chisc litadëures possa mé lité sce les/i à da mustré su la cherta litela y chësc atestat.

Lita da pert dla persones che à debujën de secudienza a dé ju si usc

La zitadines/I zitadins purtadëures de handicap che ne ie nia bones/boni de lité da sëules/sëui, possa se lascé acumpanië da zachei che les/i se à nstësc cris ora per jì a lité. La persona che les/i acumpanieia muessa vester scrita ite tla listes liteles de n chemun dla provinzia de Bulsan.

L zertificat dl dutor che possa n cajo unì damandà dala presidënta/dal presidënt dla sënta litela muessa vester scrit ora dai dutores nciariei dal’aziendes saniteres locales. L zertificat nunzià tlo dessëura vën scrit ora sun papier scëmpl, l ie debant y n n’à nia drë de mëter su vel’ marches o boi.

Mpede l zertificat dl dutor possa la/i vierces mustré si cherta de iscrizion ala Lia di vierces taliana.

Lita a cësa

L ti vën cunzedù de lité a cësa ala/ai litadëures te cundizions scialdi grieves de nfermità, che ne possa nia jì ora dl cuatier ulache les/i sta, y ala/ai litadëures tuchei da nfermità grieva, che depënd per viver tresora da aparac de medejina eletronics y ne possa perchël nia jì ora de cësa.

La persones nteressedes muessa ti presenté al’Ambolta/al Ambolt dl Chemun, te chël che les/i ie scric ite tla listes liteles – te n tëmp danter l 40ejim y l 20ejim dì dan la veles – na detlarazion scrita che atesteie si ulentà de purté a esprescion si usc te si abitazion.

Tla detlarazion muessel unì dat sëura avisa l numer dla sezion te chëla che la litadëura/l litadëur ëssa da jì a lité y l numer de iscrizion tla lista litela de sezion, che ie da udëi sun la cherta litela; ala detlarazion muessel oradechël nce vester njuntà l atestat dla funzioner medich desinià dai organns cumpetënc dl’Azienda Sanitera che atesteie la esistënza de cundizions de nfermità nunziedes dessëura.

Pernanche l’Ambolta/l Ambolt giapa la detlarazion se cruziela/cruziel riesc de nen fé verifiché la regularità y cumpletëza y l relascia a chi che à fat dumanda n atestat che la/l ie unit scrit ite tla listes dla/di litadëures lascei pro ala lita a cësa.

Lita dla/di litadëures che sta oradecà

L dërt de lité à la zitadines y i zitadins che à si residënza oradecà y che n la data dl’emigrazion ova i recuisic udui danora per pudëi lité; nce la fians/i fions de chisc nasciui o trasferii oradecà o l uem/la fëna de chisc, che à giapà la zitadinanza taliana tres l matrimone. La cundizion de bujën per pudëi lité ie la iscrizion tl AIRE (register anagrafich di zitadins talians che sta oradecà).

La/i litadëures che sta te n auter stat y che ie scric ite tl AIRE eserzitea si lita tres posta. La manieres de coche l vën lità ie ndichedes tla sezion aposta LITA PER CURESPUNDËNZA.

La litadëura/L litadëur che sta oradecà y che, per pudëi eserzité si dërt de vela, ulëssa unì de reviers tl Südtirol y lité diretamënter pra la sezion litela, muessa presenté na dumanda aposta a si Chemun de iscrizion.

Nchin l 60ejim dì dan la destumënza dla legislatura curënta giapa la zitadina/l zitadin cun residënza oradecà, che à l dërt de vela, dal’aministrazion provinziela na comunicazion n cont dla dates dla veles y la manieres de esprescion dla usc per curespundënza. Adum cun la comunicazion ti uniral nce mandà n formuler de opzion che la/l messerà mé scrì ora y mandé demez sce la/l à nteres de eserzité si dërt de vela diretamënter tla sezion litela de si Chemun de iscrizion.

Tl cajo che la/l à optà per l eserzize de vela tla provinzia messerà la litadëura/l litadëur che sta oradecà se se presenté de persona pra la sezion data sëura sun si cherta litela, cun la cherta litela y n documënt de recunescimënt.

A pië via dal 2013 iel unì tëut ju l cuntribut che univa n iede paià ora dai chemuns singui a chësta categuria de litadëures.

Perchël ne arà la zitadines y i zitadins che sta oradecà y che tol la dezijion de lité tla provinzia de Bulsan, pra la sezion litela de si Chemun de iscrizion, nia l dërt de giapé n rembursamënt o n cuntribut.

L ne vën oradechël ënghe nia paià i alesiramënc sun la spëises de viac sun l teritore dla Talia, tla ferata o per mer.

Per duta la nfurmazions che reverda la lita dla persones che sta oradecà prions bel de jì a ti cialé ala sezion aposta dedicheda ala LITA PER CURESPUNDËNZA.

N l di dla veles (21 de utober 2018) resta la sëntes liteles daviertes dala 7.00 ala 21.00. I lëures de preparazion dla sënta vën fac l di dant.

La zitadines y i zitadins à da se presenté tla sezion litela ndicheda tla cherta litela n l dì dla veles cun la cherta litela nunzieda y cun n documënt de recunescimënt.

Chi che ne à deguna cherta litela, ajache les/i nen à mei giapà una o tl cajo che la ie unida ruineda, perduda o rubeda, muesseles/muessi damandé do pra l ufize litel de chemun, che resterà daviert dai 19 d’utober ai 20 d’utober dala 9.00 ala 18.00 y ai 21 d’utober per dut l tëmp che n possa lité. Iló giaperales/giaperai pona, aldò dl cajo, na cherta litela nueva, n duplicat o n atestat de sostituzion.

Documënc de recunescimënt:

  1. Documënc d’identificazion dac ora dal’aministrazion publica: Cherta d’identità, passaport, patent d’abilitazion a furné cun veicui, purteda d’ermes, libret dla ferata, y nsci inant…)
  2. la chertes de recunescimënt dates ora dala Union naziunela ufezieres n cungedazion dla Talia (U.N.U.C.I.), sce les à na fotografia y ie cunvalidedes da n Comando militer,
  3. la tesseres dates ora dai ordens di prufescionisć, sce l ie lessù na fotografia

Co scrì ora la zedula litela

Sun la zedula litela che ti vën data a uni litadëura/litadëur iel repurtà l simbul de uni lista. La usc vën purteda a esprescion fajan na crëusc/sun l simbul dla lista crissa ora.

La litadëura/l litadëur possa oradechël scrì sun la risses a man drëta de uni simbul da una a cater preferënzes (metëde verda: mé una na preferënza per rissa!). La usc de preferënza vën data nsci:

  • Scrijan l inuem dla candidates/di candidac
  • Sce l ie de bujën nce l inuem dla candidates/di candidac.

Sce la candidata/l candidat à doi cuinuemes possen nce mé nen scrì un, ma la ndicazion muessa cuntenì tramedoi i cuinuemes y sce l ie de bujën nce la data de nasciuda, sce l possa se purté pro cunfujions danter de plu candidates/candidac.

Per purté a esprescion la usc de preferënza ne possen a pië via dala veles provinzieles de chëst ann nia plu dé sëura ma i numeri cun chëi che la candidates/i candidac ie contraseniei sun la lista.

A uni moda iel assolutamënter de mpurtanza, acioche la ujes sibe valeivles, che la candidates/ai candidac, a chëles/chëi che l ti vën dat la preferënza, feje pert dla lista pra chëla che n à metù la crëusc.

Dl 2013 él gnü porté ite a livel provinzial la poscibilité da LITÉ POR CORESPONDËNZA por 2 categories de litadësses/litadus desvalies:

  1. la lîta por corespondënza por les litadësses/i litadus südtirolesc che à la residënza foradecà y é scrić ite tl AIRE (le register anagrafich di zitadins talians che à la residënza foradecà);
  2. la lîta por corespondënza por les litadësses/i litadus che ne sciafia nia da lité pro le comun de residënza, ajache ai vir temporaneamënter defora dla provinzia.

La lita por corespondënza por les litadësses/i litadus che á la residënza foradecá

Che che á la residënza foradecá y é scrić ite tl AIRE lita por posta.

Cina al 60ejim de denanche al tomes la legislatöra da sëgn, ti lascia alsavëi l’aministraziun provinziala ales zitadines/ai zitadins, che á la residënza foradecá y che á le dërt da lité, la data dles lites y co lité por corespondënza.

FORMULAR D’OPZIUN

Che che á la residënza foradecá ciafa adöm cun la comunicaziun y les informaziuns sön la lita por posta, ince n formular d’opziun, che mëss gní scrit fora y ortié al comun d’iscriziun, sce an ó gní zoruch tl Südtirol por lité diretamënter pro la seziun litala de so Comun. Le formular cun la domanda ti mëss rové al comun d’iscriziun alplü tert 45 dis dan les lites (chël ó dí cina ai 6 de setëmber dl 2018).

La domanda vel ma por la lita por chëra che ara é gnüda dada jö, y sce le terminn dé dant é tomé, ne pón nia plü jí a s’la do. La domanda pó gní dada jö personalmënter, ortiada por posta, tres fax o posta eletronica y mëss contigní i dac anagrafics, la dërta misciun y la sotescriziun dla porsona che fej domanda, scenó vëgnera refodada. Pro la domanda mëssel gnì ajuntè la fotocopia de n documënt d’identité.

Desćiariede jö chiló le formular por l’opziun:

Che che á la residënza foradecá che tol la dezijiun da lité tla provinzia de Balsan diretamënter tla seziun litala de so comun n’á nia le dërt da ciafè N REMBURSAMËNT O N CONTRIBUT.

Al ne vëgn gnanca paié les alisiraziuns de iade, ma por le raiun talian, cun la ferata o la barca.

Che che á la residënza foradecá y n’á nia dé jö la domanda da lité te so comun de iscriziun tl Südtirol, lita por corespondënza.

Informaziuns plü menüdes sön la lita por corespondënza é da ciafé tla seziun MODALITÉS DA LITÉ POR CORESPONDËNZA

La lita por corespondënza por les litadësses/i litadus che vir temporaneamënter defora dla provinzia

AVIS IMPORTANT:

POR CORESPONDËNZA LITON MA DEFORA DAL RAIUN PROVINZIAL.

ARA NE VÁ NIA DA DÉ JÖ NA DOMANDA POR ANTIZIPÉ LA LITA DA CIASA (TE N COMUN DLA PROVINZIA).

ARA NE VÁ NIA DA LITÉ POR POSTA TRATAN LA FIN DL'EDEMA DLES LITES (19-20-21/10/2018).

Ince chi che ne sciafia nia da lité te so comun d’iscriziun, ajache ares/ai vir temporaneamënter defora dla provinzia, pó lité por corespondënza.

Por podëi s’anuzé dla poscibilité da lité por corespondënza, mëss che che lita dé jö na domanda aposta te so comun d’iscriziun.

FORMULAR D’OPZIUN

Che che lita mëss dé jö na domanda da orëi dé jö la usc por corespondënza (tolon le formular d’opziun che an po desćiarié jö sön chësta plata internet) te so comun d’iscriziun. La domanda mëss rové adalerch altamo 45 dis dan les lites (chël ó dí cina ai 6 de setëmber dl 2018).

La domanda vel ma por la lita por chëra che al é gnü fat domanda, y sce le termin dé dant é tomé, ne pón nia plü jí la trá zoruch. Ara pó gní dada jö personalmënter, ortiada por posta, tres fax o posta eletronica y mëss contigní i dac anagrafics, la dërta misciun y la sotescriziun dla porsona che fej domada, scenó vëgnera refodada. Pro la domanda mëssel gnì ajuntè la fotocopia de n documënt d’identité.

Desćiariede jö chiló le formular por l’opziun:

De plü informaziuns sön la lita por corespondënza é da ciafé tla seziun MODALITÉS DA LITÉ POR CORESPONDËNZA

Modalités da lité por corespondënza

INJOP LITAL por lité

Che che lita por corespondënza ciafa n injop lital che contëgn:

  1. n zertificat lital cun i dac anagrafics dla litadëssa/dl litadú: dal zertificat mëssel gní trat jö aper dla linia aposta le zedolin lital;
  2. la zetola litala;
  3. na picia coperta ghela por mëte ite la zetola litala do avëi dé jö la usc;
  4. na gran coperta blancia amartlada (cun la misciun dl Ofize lital zentral) da tó por ortié zoruch le zedolin lital y la picia coperta ghela cun la zetola litala;
  5. na plata cun les indicaziuns dles modalitès por lité por corespondënza y les listes dles candidates y di candidac.
CO LITON PA por corespondënza

La usc vëgn dada jö sön la zetola litala MA cun n BIRO FOSCH O BRÖM, scenó vëgn la zetola litala anulada.

Sön la zetola litala él le simbol de vigni lista. La usc vëgn dada jö fajon na crusc sön le simbol dla lista chirida fora.

Che che lita pó ince dé dant sön les risses sön la man dërta de vigni simbol da öna a cater usc de preferënza (Metede averda: ma öna na preferënza por rissa!). La usc de prefërenza vëgn dada jö insciö:

  • scrion le cognom dles candidates/di candidac
  • sce al vá debojëgn ince l'inom dles candidates/di candidac.

Sce la candidata/le candidat á dui cognoms pón nen scrí ma un. Al mëss indere gní dé dant trami i cognoms, sce an podess fá confujiun danter de plü candidac, y sce al ó ester, ince la data y le post de nasciüda.

An ne pó nia plü dé dant ma i numeri cun chi che i candidac vëgn contrassegná tla lista, por dé jö la usc de preferënza.

Les usc de preferënza mëss se referí a candidates/candidać dla lista litada por che ares veles.

LA USC É PERSONALA, LËDIA Y SOCRËTA. LA ZETOLA Y LA PICIA COPERTA GHELA OLACHE ARA É LAITE NE DESS AVËI DEGUN SËGN DE RECONESCIMËNT!

AL É PROIBÍ DA LITÉ DE PLÜ IADI Y ORTIÉ INANT LES ZETOLES IMPEDE ZACAI D’ATRI!

Do avëi dé jö la usc sön la zetola litala, mët che che lita la zetola litala ghela tla PICIA COPERTA GHELA, che vëgn sigilada y metüda tla GRAN COPERTA AMARTLADA aposta, olache al vëgn ince metü LE ZEDOLIN lital, che proa che al é gnü dé jö la usc. Spo ti mëna che che lita la gran coperta amartlada al Ofize lital zentral, olache ara mëss rové alplü tert cina le vëndres dan le de dles lites (ai 19 d’otober dl 2018).

I ti aconsiun a che che lita da s’anuzé le plü debota che ara vá de so dërt da lité y ortié atira la coperta amartlada, a na moda che ara ti röies adora assá al Ofize lital zentral.

Do avëi ortié la coperta amartlada ne vál plü debojëgn da ne fá nia.

CUMPEDÉ LES USC

Dötes les copertes che röia adalerch por tëmp y ora al Ofize lital zentral (cina le vëndres dan les lites, chël ó dí ai 19 d’otober dl 2018) gnará dades jö – do n valgügn controi formai preodüs dala lege – ai ofizi litai aposta, metüs sö pro le comun de Balsan, che se cruziará da cumpedé les usc ai 21 d’otober dl 2018, canche ares vëgn ince cumpedades tles atres seziuns litales dla provinzia.

AVIS POR CHI CHE LITA POR CORESPONDËNZA
TE NA SEZIUN SAURIDA DA ODËI DLA PLATA INTERNET VËGNEL LASCÉ ALSAVËI SCE AL É MUDAZIUNS POR CI CHE REVERDA I SIMBOI O LES LISTES DLES CANDIDATES/DI CANDIDAC.
LES MUDAZIUNS PÓ DEPËNE DA RECURSC PENDËNC EVENTUAI TRATAN CHE AL TI VËGN DÉ ALES LITADËSSES/AI LITADUS LA DOCUMENTAZIUN SÖN LES LITES O DA FAI DE STAMPA.

Va inò su

Cumpëdausc y presidëntes/presidënc

L’ombolta/L’ombolt nominëia por vigni seziun litala n ofize lital metü adöm dala presidënta/dal presidënt, da trëi cumpëdausc, olache öna o un de chisc - chirí fora dala presidënta/dal presidënt - surantol l’inciaria de vizepresidënta/vizepresidënt, y dala secreteria/dal secreter. Sce al é tl raiun dl ofize lital de seziun ospedai y ciases de cura cun manco co 100 lec o sce la seziun á le dovëi da cöie adöm les usc dades jö a ciasa, é l’ofize lital metü adöm dala presidënta/dal presidënt, da cater cumpëdausc y da na secreteria/n secreter.

Les/I cumpëdausc y la secreteria/le secreter dl ofize lital de seziun vëgn chiris fora, tiran ala niza danter les porsones che á stlüt jö la scora d’oblianza.

La presidënta/Le presidënt dl ofize lital de seziun vëgn trat ala niza danter les porsones che:

  1. á le dërt da lité dales lites provinziales;
  2. á almanco le diplom de na scora alta;
  3. á l’atestat che desmostra la conescënza di lingac todësch y talian, aladô dl decret dl Presidënt dla Republica di 26 de messé dl 1976, n. 752, y mudaziuns suandëntes;
  4. á, sce ara se trata de n comun ladin, l’atestat che desmostra la conescënza dl lingaz ladin, aladô dl decret dl Presidënt dla Republica di 26 de messé dl 1976, n. 752, y mudaziuns suandëntes;
  5. é scrites ite tl register dles porsones adatades al laur de presidënta/presidënt dl ofize lital.

Al ne pó nia surantó la funziun de comëmber dl ofize lital de seziun:

  1. che che fej pert dles forzes armades en sorvisc;
  2. les doturies ofiziales/i doturs ofiziai y les doturies/i doturs de basa;
  3. les secreteries/i secreters de comun y les dependëntes/i dependënc de comun, assegná o comaná por le sorvisc ti ofizi litai de comun;
  4. les candidates/i candidac dles lites dl Consëi provinzial.

Danter le 25ejim y le 20ejim de dan les lites se crüzia la porsona responsabla dl ofize lital te na reuniun publica, lasciada alsavëi dui dis denant tres n placat batü sö sön tofla de comun, en presënza dles rapresentantes/di rapresentanc de lista da:

  1. trá ala niza por vigni seziun litala dl comun la presidënta/le presidënt, la secreteria/le secreter y tan de cumpëdausc che al vá debojëgn;
  2. mëte adöm, tiran ala niza, na gradatöra di inoms dles presidëntes/di presidënc, dles secreteries/di secreters y dles/di cumpëdausc por baraté fora che che ne sciafia nia.

Sce le numer di inoms trac fora ne é nia assá, tira fora l'ofizial lital de comun ciamó zacai danter les porsones scrites ite tles listes litales dl comun.

L’ombolta/L’ombolt ti lascia alsavëi ales porsones chirides fora le plü debota che ara vá y al plü tert chinesc dis dan les lites, che ares é gnüdes nominades.

Sce al é rajuns zities che ne conzed nia da surantó l’inciaria, ti mëssel gní lascé alsavëi al’ombolta/al ombolt te 48 ores da canche an é gnüs alsavëi dla nominaziun. L’ombolta/L’ombolt se crüzia spo da baraté fora les porsones che ne pó nia surantó l’inciaria cun litadësses/litadus sön la gradatöra aposta. La nominaziun ti vëgn lasciada alsavëi ales porsones interessades alplü tert trëi dis dan les lites.

Le paiamënt di componënć dl ofize lital ti corespogn a chël preodü por les lites dla Ciamena di deputac.

Va inò su

Partis y candidates/candidać

Placat dles candidatöres

Inuem
1 Köllensperger Paul
2 Planker Stefan
3 Schir Francesca
4 Girardi Christian
5 Hainz Roland
6 Beati Alessandro
7 Faistnauer Peter
8 Kasal Peter
9 Oberkofler Alexander
10 Benedikter Thomas
11 Radakovich Uta
12 Wegmann Erwin
13 Ploner Alex
14 Rieder Maria Elisabeth
15 Fink Margareth
16 Lamprecht Andreas
17 Papadopoli Seppi Marina
18 Steinmair Judith
19 Folie Dietmar
20 Gasser Norbert
21 Schuster Michaela
22 Monese Nicolas
23 Furtschegger Christian
24 Polin Maximilian
25 Unterholzner Josef
26 De Rosa Raffaella
27 Priller Petra
28 Braito Stefan
29 Ploner Franz
30 Cologna Matthias
31 Rastner Anna
32 Ties Stefan
33 Kiem Sabine
34 Ellemunter Maria Theresia
35 Alber Matthias
Inuem
1 Knoll Sven
2 Zimmerhofer Bernhard
3 Atz Tammerle Myriam
4 Kollmann Cristian
5 Zelger Stefan
6 Pixner Benjamin
7 Mitterhofer Christoph
8 Hofer Matthias (Lex)
9 Brachetti Peter
10 Gruber Peter
11 Campidell Reinhild
12 Santer Zöschg Natascha
13 Theiner Alfred
14 Mair Melanie
15 Hilber Bernhard
16 Tutzer Andreas Markus
17 Liensberger Stefan
18 Rienzner Ploner Sonja
19 Köck Andreas
20 Moser Alfred Sebastian
21 Lunger Stefan
22 Tappeiner Esther
23 Pfitscher Armin
24 Micheler Anna
25 Gstrein Gertraud
26 Eyrl Hubertus
27 Freund Margret (Greti)
28 Weithaler Dietmar
29 Gufler Frei Helena
30 Succi Werner
31 Kargruber Margit
32 Klotz Georg
33 Arer Wolfram
34 Renner Veronika
35 Campidell Herbert
Inuem
1 Leiter Andreas (Reber)
2 Mair Ulli
3 von Ach Florian
4 Taibon Lois
5 Ainhauser Hansjörg
6 Blaas Walter
7 Busetti Johann
8 Eder Manuela
9 Enderle Tanja
10 Enz Peter
11 Fischer Josef
12 Frick Walter
13 Gaiser Reinhard
14 Hölzl Isidor
15 Lang Norbert
16 Mahlknecht Otto
17 Morandell Strozzega Helga
18 Niederbacher Kathrin
19 Nitz Karl
20 Oberhofer Tamara
21 Perkmann Werner
22 Pernter Fabian
23 Pitarelli Anna
24 Rottensteiner Dietlind
25 Rungg Frank Daniela
26 Sparber Heidi
27 Stocker Sigmar (Guggi)
28 Vallazza Nico
29 Vikoler Gerlinde
30 Walder Thomas
31 Waldner Otto (Saltenhofer)
32 Weger Karin
33 Weiss Angerer Anneliese
34 Winkler Gebhard
35 Zingerle Hannes
Inuem
1 Pöder Andreas
2 Brugger Josefa (Romy)
3 Zwerger Dietmar (Jack)
4 Marsoner Huber Erna
5 Lanbacher Ida
6 Baldo Elmar
7 Schwienbacher Andreas
8 Niederstätter Alfred
9 Aichner Ulrike (Ulli)
10 Gall Ingrid
11 Werth Oswald (Ossi)
12 Niedrist Bruschi Monika
13 Andreolli Sonya
14 Kafmann Franz
15 Giovanelli Egon (Hofrat)
16 Bacher Stefan
17 Schöpf Ursula
18 Kofler Priska
19 Garber Verena
20 Bergamo Cristina
21 Pichler Tobias (Schmidt Toby)
22 Rosa Stefano
23 Schwienbacher Xaver
Inuem
1 Vitale Mario
2 Sigismondi Alberto
3 Biancofiore Antonella
4 Angeli Marco
5 Murano Franco
6 Seppi Walter
7 Cutrupi Carmelo
8 Melchiori Claudio
9 Limongelli Yasmin
10 Melis Giuseppe
11 Rusca Mario
12 Coletti Patrizia
13 Caminiti Giuseppe
14 Ponziano Nico
15 Conedera Fabio
16 Brunner Manfredo
17 Arnoldi Sandra
18 Cavazzana Antonio
19 Corapi Pierangela
20 Di Marcantonio Emanuele
21 Grezzani Massimo
22 Kara Olha
23 Niederkofler Richard
24 Orlandini Antonietta
25 Peruzzo Massimo
26 Ponte Gianfranco
27 Rizzi Sabrina
28 Rossi Clelia
29 Scremin Massimo
30 Sculco Sandra
31 Seyed Ayati Seyed Farhad
32 Timpone Giovanni
33 Trentin Flora
34 Zerboni Francesca
Inuem
1 Kompatscher Arno
2 Achammer Philipp
3 Alfreider Daniel
4 Wiedmer Angelika
5 Amhof Magdalena
6 Bacher Paula
7 Bertagnolli Judith
8 Christanell Zeno
9 Colli Andreas
10 Deeg Waltraud
11 Federspieler Martin
12 Fischer Alex
13 Gänsbacher Bernhard Franz Georg (Bernd)
14 Herzl Maria (Ricky)
15 Hochgruber Kuenzer Maria Magdalena
16 Kienzl Richard
17 Kompatscher Franz
18 Ladurner Christa Maria
19 Ladurner Jasmin
20 Lanz Gerhard (Gert)
21 Locher Franz Thomas
22 Mairhofer Beatrix
23 Noggler Josef (Sepp)
24 Oberhammer Ulrike (Ulli)
25 Pinggera Dieter
26 Reinalter Joachim
27 Renzler Helmuth
28 Schiefer Oswald
29 Schuler Arnold
30 Tauber Helmut
31 Telser Martin
32 Vallazza Manfred (Manni)
33 Widmann Thomas
34 Wild Barbara
35 Zublasing Reinhard
Inuem
1 Chiodi Ennio
2 Stancher Renato
3 Tava Luigi
4 Bizzo Roberto
5 Pasquazzo Debora
6 Canestrini Miriam
7 Nietzsch Nicole
8 Cito Stefania
9 Bertolini Luca
10 Marino Giuseppe (Sepp)
11 Sabbadin Maurizio
12 Lillo Enrico
13 Baldo Lucia
14 Barbieri Silverio (Silver)
15 Bologna Mario
16 Cani Armel
17 Carbone Massimo (Max)
18 Cavaliere Andrea
19 Ciaglia Simone
20 Dalla Paola Alessandra
21 Diano Antonietta (Antonella)
22 Di Domenico Pasquale
23 Fedel Giorgio
24 Fraschetti Antonio (Toni)
25 Mastroianni Andrea
26 Panfili Lorella
27 Paone Judith
28 Pisano Lucia
29 Pierotti Ivan
30 Profaiser Alessandro (Alex)
31 Salamone Vito
32 Sassi Olfa
33 Scapolan Maria Cristina
34 Volanti Claudio
35 Zito Benedetto
Inuem
1 Foppa Brigitte
2 Dello Sbarba Riccardo
3 Staffler Hanspeter
4 Polonioli Laura
5 Planer Tobias (Tobe)
6 Rabini Chiara
7 Frei Markus
8 Lorenzi Corinna
9 Perini Stefano (Stefan)
10 Fink Evelyn
11 Keitsch Michael
12 Kienzl Judith
13 Kieser Olivia
14 Lazzaretti Hannah
15 Oberkofler Zeno
16 Pfaffstaller Sadbhavana (Sadi)
17 Rise' Bertrand Johannes (Berti)
18 Stötter Benjamin
19 Vullo Pascal Daniel
20 Gasser Peter
21 Gozzi Buca Patrizia (Patti)
22 Mair Brigitte
23 Nothdurfter Urban
24 Pardeller Alois (Luis)
25 Pixner Eva Cäcilia
26 Rampazzo Renzo
27 Resch Klaudia
28 Rier Sylvia
29 Rossi Andrea
30 Ruatti Rosina
31 Spitaler Ulrike (Uli)
32 Toffol Elda
33 Tomasi Andrea
34 von Wohlgemuth Felix
35 Zambaldi Nazario
Inuem
1 Augscheller David
2 Bosone Cecilia
3 Benatti Gabriele
4 Farruggia Elena
5 Boninsegna Dario (Pippo)
6 Hofmann Monika
7 Cavalli Gilberto
8 Margotti Serenella
9 Cavallo Salvatore
10 Mautone Laura
11 Copercini Roberto
12 Molin Ferremi Annamaria
13 Di Biasio Luca Laurenti
14 Motta Loredana
15 Quercia Matteo
16 Motta Zanin Giulia
17 Quercia Pasquale
18 Redavid Francesco
Inuem
1 Urzì Alessandro
2 Forest Alessandro
3 Galateo Marco
4 Lavorgna Valerio
5 Sabatelli Giuseppe
6 Salvadori Diego
7 Barchetti Cristina
8 Bassighini Fabrizio
9 Bonetti Mirko
10 Brando Anna
11 Calcagno Ornella
12 Curci Tiziano
13 Fermanelli Simona
14 Franzelin Antuono Melanie
15 Lenzi Gabriella
16 Leone Michele
17 Lucci Andrea
18 Maruca Danila
19 Morato Mauro
20 Moro Christina
21 Myftiu Tritan (Tani)
22 Naccarato Raffaele
23 Oliveri Rosanna
24 Paparella di Palma Manuela
25 Perri Francesca
26 Pomalo Sergio
27 Ponticelli Alfonso
28 Scuttari Aron
29 Segnin Salvatore
30 Stagni Stefano
31 Stolcis Lara
32 Tigani Donatella
33 Veronese Jasmin
34 Zampieri Paola
35 Zancarli Maria
Inuem
1 Bessone Massimo
2 Mattei Rita
3 Nevola Luigi
4 Albertini Marika
5 Armanini Sergio
6 Baffo Angelo
7 Belluzzo Daniela
8 Biesus Cinzia Angela
9 Brunner Monika
10 Dallago Luca
11 Cavallaro Davide
12 D’Amico Daniele
13 De Sisti Sabrina
14 Dian Renato
15 Fizzotti Sergio
16 Giordani Roberto
17 Kasslatter Stefan
18 Lanthaler Maria Luise
19 Lotti Claudio (Caio)
20 Maestri Alessandro Mauro
21 Marchi Gianfranco
22 Montali Emanuele
23 Nardo Michele
24 Palladino Immacolata
25 Perin Silvia
26 Ploner Margareta
27 Piccolo Tiziana
28 Remorini Lorenzo
29 Rosin Bruno
30 Sandri Maria
31 Segna Luca Simone
32 Selle Roberto
33 Tondini Mario
34 Vettorato Giuliano
35 Vettori Carlo
Inuem
1 Tommasini Christian
2 Casolari Andrea
3 Prader Renate
4 Repetto Sandro
5 Endrizzi Sara
6 Tassiello Dunja Anna Teresa
7 Dondio Elena
8 De Pascalis Mauro
9 Agnelli Petra
10 Alberto Marco
11 Bancaro Monica
12 Azzarita Alessandro
13 Busetti Cristina
14 Bergamo Simon
15 Calligione Beatrice
16 Buson Roberto
17 Gander Stefania
18 Camema Isuf
19 Hysaj Brunilda
20 Di Lucrezia Daniele
21 Mattei Roberta
22 Lutteri Emiliano
23 Ngucaj Aneta (Ana)
24 Moretti Daniele
25 Segato Carla
26 Pocher Alex
27 Rebellato Giuliano
28 Rossi Claudio
29 Schiavo Silvano
30 Stablum Ferdinando
31 Timperio Marco
32 Zanella Carlo (Alberto)
33 Bertinazzo Alessandro
34 Tomi Renata (Gabriella)
35 Fonte Marco
Inuem
1 Puglisi Ghizzi Maurizio
2 Bonazza Andrea
3 Trigolo Sandro
4 Farina Andrea
5 Sini Michael
6 Trigolo Massimo
7 Bonke Julie Christina
8 Cobaldi Fulvio
9 Piras Raffaella
10 Di Lullo Paolo
11 Lia Venere
12 Milani Gigliotti Brunella
13 Casagrande Vittorio
14 Dalpiaz Silvia
15 Dilillo Domenico
Inuem
1 Nicolini Diego
2 Pedevilla Giuseppe (Josef)
3 De Majo Laura
4 Morrone Francesca
5 Sbironi Andrea
6 Nuzzo Filomena
7 Dallabona Silvana
8 Pizzini Matthias
9 Anglani Antonio
10 Refatti Mirko
11 Barbieri Davide
12 Poletti Corrado
13 Casanova Thomas
14 Carrato Bruno
15 Rossano Nadia

Va inò su

Normativa

Lista dles leges y dles zircolares sön les lites

Va inò su

Informaziuns por i comuns

Dovëis

Tl Boletin dla Regiun Trentin-Südtirol di 22 de setëmber vëgnel publiché le Decret dl Presidënt dla Provinzia cun chël al vëgn stabilí le 21 d’otober dl 2018 sciöche data por tigní les proscimes lites por le renovamënt dl Consëi dla Provinzia autonoma de Balsan.

Por ci che che reverda chësc araton che al vais debojëgn da recordé che les prozedöres por mëte a jí les lites nominades dessura é da ciafé tla lege provinziala di 19 de setëmber dl 2017, n. 14, che fej referimënt en pert ala lege regionala di 08.08.1983, n. 7, y mudaziuns suandëntes.

I ademplimënc aministratifs y sü termins, sciöche ince i modì da adoré vëgn dá dant dal Consorz di Comuns sot forma telematica.

Material che la Provinzia ti mët a desposiziun a vigni seziun

L’aministraziun provinziala ti mët a desposiziun a vigni ofize lital de seziun chësc material:

  1. trëi copies dl placat cun les listes dles candidates/di candidac, olache öna mëss romagne a desposiziun dl ofize lital de seziun y les atres mëss gní tacades sö tl salf de litaziun;
  2. döes copies dl placat cun les desposiziuns prinzipales sön les lites y les sanziuns penales plü importantes;
  3. na copia dles istruziuns por i ofizi litai de seziun cun les desposiziuns de lege;
  4. les zetoles litales;
  5. döes copies dla tabela dles usc;
  6. na copia dl protocol di laurs litai;
  7. le register dles chertes litales di ëi y chël dles ëres;
  8. les listes injuntades por les seziuns di ospedai, les sëntes speziales y i ofizi destacá;
  9. l’injop sigilé cun le timber de seziun;
  10. d’ater material d’ofize, cun lapró les gran copertes por l’injop n. 2 y l'injop n. 3 y la coperta da ti dé jö al comun.
  11. l’aparat por ortié digitalënter i dac.

Va inò su

Termins

  • 22.08.2018

    Decret d'indiziun dles lites: publicaziun ai 22.08.2018, trasmisciun tres e-mail ai comuns y al Comissariat dl Govern

  • 28.08.2018

    Deponüda di simboi dles listes ai 28 y ai 29 de setëmber (54 y 53 dis dan les lites)

  • 31.08.2018

    Le placat cun i simboi vëgn lascé alsavëi cina al 51 dis dan les lites (cina ai 31.08.2018)

  • 31.08.2018

    Presentaziun dles listes di candidac ai 31 d'agost, al 1. de setëmber, ai 3 de setëmber y ai 4 de setëmber cina les 12.00 (danter le 51ejim y les 12:00 dl 47ejim de dan les lites)

  • 06.09.2018

    Placat de indiziun dles lites: publicaziun ai 06.09.2018, i placac vëgn tacá sö dai comuns

  • 06.09.2018

    Cina ai 06.09.2018 (45ejim de dan les lites) ti presentëia les litadësses/i litadus CHE Á SÜA RESIDËNZA FORADECÁ al comun d’iscriziun, la domanda por podëi lité tla provinzia, diretamënter tla seziun litala de so comun

    Cina ai 06.09.2018 (45ejim de dan les lites) ti presentëia les litadësses/i litadus CHE VIR TEMPORANEAMËNTER DEFORA DLA PROVINZIA al comun d’iscriziun la domanda por podëi “lité por corespondënza”

  • 11.09.2018

    Presentaziun al comun dla domanda por podëi lité a ciasa danter le 40ejim y le 20ejim de dan les lites (11.09.2018 - 01.10.2018)

  • 26.09/2018

    Sentada publica por trá ala niza i mëmbri di ofizi litai de seziun danter le 25ejim y le 20ejim de dan le de dles lites (11.09.2018 – 01.10.2018)

  • 06.10.2018

    Le placat cun les candidatöres vëgn taché sö cina le 15ejim de dan les lites (cina ai 06.10.2018)

  • 18.10.2018

    Presentaziun al comun d’iscriziun dla detlaraziun por podëi lité te ospedal, te na ciasa de cura o te porjun cina al 3. de dan le de dles lites (cina ai 18.10.2018)

  • 19.10.2018

    Recioiüda dles copertes cun les zetoles litales dla lita por corespondënza cina al vëndres dan le le de dles lites (cina ai 19.10.2018)

  • 19.10.2018

    I ofizi litai comunai romagn daverc dai 19 d'otober ai 20 d'otober y ai 21 d'otober döt le de

  • 21.10.2018

    Lites dales 07:00 ales 21:00
    Stlüta dles sëntes litales ai 21.10.2018 dales 21.00

  • 21.10.2018

    Les usc vëgn cumpedades fora atira do la stlüta dles sëntes litales (21.10.2018)

Va inò su